Um ráðherra

Steingrímur J. Sigfússon

Steingrímur J. SigfússonSteingrímur J. Sigfússon er efnahags- og viðskiptaráðherra  frá 31. desember 2011.

Steingrímur J. Sigfússon fæddist á Gunnarsstöðum í Þistilfirði 4. ágúst 1955. Foreldrar hans eru Sigfús A. Jóhannsson (f. 5. júní 1926, d. 2. ágúst 2007) bóndi þar og k. h. Sigríður Jóhannesdóttir (f. 10. júní 1926, d. 15. okt. 2007) húsmóðir.

Kona Steingríms er Bergný Marvinsdóttir (f. 4. des. 1956) læknir. Foreldrar hennar eru Marvin Frímannsson og k. h. Ingibjörg Helgadóttir. Börn Steingríms og Bergnýjar eru Sigfús (1984), Brynjólfur (1988), Bjartur (1992) og Vala (1998).

Stúdentspróf MA 1976. B.Sc.-próf í jarðfræði HÍ 1981. Próf í kennslu- og uppeldisfræði HÍ 1982. Vörubifreiðarstjóri á sumrum 1978-1982. Við jarðfræðistörf og jafnframt íþróttafréttamaður hjá sjónvarpi 1982-1983. Skipaður 28. september 1988 landbúnaðar- og samgönguráðherra, lausn 23. apríl 1991 en gegndi störfum til 30. apríl.

Fulltrúi nemenda í skólaráði MA 1975-1976. Í Stúdentaráði 1978-1980. Hefur sinnt ýmsum trúnaðarstörfum innan ungmenna- og íþróttahreyfingarinnar. Í stjórnarnefnd Ríkisspítalanna 1983-1987. Kjörinn 1984 í samstarfsnefnd með Færeyingum og Grænlendingum um sameiginleg hagsmunamál. Sat þing Alþjóðaþingmannasambandsins 1984 og 1986. Í Vestnorræna þingmannaráðinu 1985-1988 og 1991-1995. Varaformaður Alþýðubandalagsins 1989-1995. Sat á allsherjarþingi Sameinuðu þjóðanna 1991. Formaður flokkahóps vinstri sósíalista í Norðurlandaráði 1998-2000. Formaður norræna ráðsins um málefni fatlaðra 1999-2000. Formaður í jafnréttisnefnd Evrópuráðsþingsins síðan 2007. Formaður Vinstri hreyfingarinnar - græns framboðs frá stofnun flokksins í febrúar 1999. Í stjórnarskrárnefnd síðan 2005.

Alþingismaður Norðurlands eystra 1983-2003 (Alþb., Óh., Vg.), alþingismaður Norðausturkjördæmis síðan 2003 (Vg.). Formaður þingflokks Alþýðubandalagsins 1987-1988. Landbúnaðar- og samgönguráðherra 1988-1991. Sjávarútvegsnefnd 1991-1998 (form. 1995-1998), efnahags- og viðskiptanefnd 1991-1999, utanríkismálanefnd 1999-, félagsmálanefnd 1999-2003, sérnefnd um stjórnarskrármál 2004-2005.

Íslandsdeild Vestnorræna ráðsins 1991-1995, Íslandsdeild Norðurlandaráðs 1996-2005 og 2006-2007, Íslandsdeild Evrópuráðsþingsins 2007-, nefnd Evrópuráðsþingsins um jöfn tækifæri kvenna og karla 2008- (form.).

Ritstörf: Við öll – íslenskt velferðarsamfélag á tímamótum, 2006. Róið á ný mið, sóknarfæri íslensks sjávarútvegs, 1996. Hefur ritað fjölda blaða- og tímaritsgreina.

Fjárhagsleg hagsmunatengsl ráðherra

Með ákvörðun ríkisstjórnar frá 17. mars 2009 var ákveðið að ráðherrar í ríkisstjórn Íslands skyldu gera almenningi grein fyrir fjárhagslegum hagsmunum sínum og trúnaðarstörfum sem þeir gegna í samræmi við reglur forsætisnefndar Alþingis um skráningu á fjárhagslegum hagsmunum alþingismanna og trúnaðarstörfum utan þings frá 16. mars 2009.

Steingrímur J. Sigfússon - fjárhagsleg hagsmunatengsl


Þetta vefsvæði byggir á Eplica